مسا الخير على اسمك وانت غايب
مسا الخير عليك وعالحبايب
بويه واليوم الشمس
سلمت مومثل امس

الشاعر احمد 

صور مميزة

محمد الجماسي

يامن اذا يدعو السماء تهبط اليهِ الأنبياء
إنا عشقـنا والنداء عاشَ الحُسينْ وكربلاء

ياخامس العتره وتسبيحة الزهره     
ومشتـهيه دم نحره اسيوف الضمه
ذوله احنه سبعينك وطينتنه من طينك     
ارخصنه عد عينك انضحي الدمه

ياحسين يااباعبدالله
ــــــــــــــــــــــــــــــــــــــ
وضوئُنا عطرَ الخيام محرابنا رمـيَ السهام
جئنا حُفـاةً ياامام صلي بنا فرضَ الهيام

آخر صلاه هيه ركعتهه قدسيه       
سجدتهه لطميه ودمعه الدعـاء
حان الذبح فرضه بالذله ما نرضه       
خلينه نتــوضه ابلون الدمــــاء

ياحسين يااباعبدالله
ــــــــــــــــــــــــــــــــــــــ
ذبنا وقد ذابَ الأنا والفضلُ لا يرجع لنا
أنتَ الذي أيقضتنا أنتَ الذي جنّـنتنا

شائت مقاديرك نمشي ابتدابيرك       
لا ما نحب غيرك يبــــن النبي
ثاري العشگ موقف غيره ونحر ينزف       
 منعوفك أو نحلف ابخدر العبي

ياحسين يااباعبدالله
ــــــــــــــــــــــــــــــــــــــ
يامن لهُ يسعى الذهب فهذهِ أمُ وهب
خطّت على لـوحٍ خَشب تبت يدا أبي لَهب

وجون العبد شوفه نورس عله اجروفه 
  مدّالك اچفـــــوفه اچفـوف العشگ
وعابس ضوه ونازل مجنونك العاقل 
   خيمه ونهر شايل اوحُب من صدگ

ياحسين يااباعبدالله
ــــــــــــــــــــــــــــــــــــــ
ما عادَ طعماً للحياة ارواحنا متيّمات
والناسُ طُراً في سُباة وأنتَ للناسِ النجاة

انحبك يبو اليمه حب الطفل لأمه       
فقره يبو الرحمه وانته الغني
بيك الله رازقنه وللثوره خالقنه       
نشبه بيـارقنه مـا ننحني

ياحسين يااباعبدالله
ــــــــــــــــــــــــــــــــــــــ
يامن نراهُ بالقلوب دعـاءُ اُمٍ بالغروب
يارحمةً تمحي الذنوب من عشقكم لا لن نتوب

مولدنه عاشورك ربّانه دستورك       
ونتطهر ابنورك وابرحمتك
سجلنه انصارك خلينه بِجوارك       
بالصحن الامبارك في حضرتك

ياحسين يااباعبدالله


محمد الجماسي

محمد الجماسي

رحلت عشگ راحل ياچف أبو فـاضل

يالدافن ابالك علي وبعيونك الحسين

ــــــــــــــــــــــــــــــــــــــ

يمسلم يالعشگت الطف .. عشگ عباس للرايه

وابگلبك تشوف احسين .. ماتحتاج لامرايه

طريق الكوفه مايخلص .. يالخلصته بحچايه

قد قامت صلاة الحُب .. والـمذبح امصلايه

صلي انته وجروحك وافديـهم ابروحك

واترك حميده ابكربله تدعيلك بحنين

ــــــــــــــــــــــــــــــــــــــ

يالهايم ببو اليمه.. روح الذمه مبيوعه

ماتت بيهم الشيمه.. والأخلاق منزوعه

كالتمثال واحدهم.. مامفهوم موضوعه

كلهم وي عُبيد الله.. وانته اوياك بس طوعه

يالعايف ازهارك وانگطعت اخبارك

ماصادفتهم بالدرب أولادك الثنين

ــــــــــــــــــــــــــــــــــــــ

من سألوك عالصحراء.. ادموعك ظلّت اتجاوب

قصة عشگ گلتلهم.. موقصة فرس راكب

يالعمّك يسمونه.. عليّ ابن أبي طـالب

وعالعصابه الابراسك.. حسينا سيدي كاتب

يايوسف الثاني واستقبلك هاني

وخاطَر ابنفسه من أجل أمير المؤمنين

ــــــــــــــــــــــــــــــــــــــ

أتصور حالك المغرب.. وانته العاشگ الولهان

صَمتك بي سوالف طف.. وابوجهك أثر حرمان

حَضُر تجوال بالكوفه.. وبالشارع ولا انسان

وطاحت منهم الشيمه .. لـمّن سدّو البيبان

هم چنك المهدي خلفك ولا جندي

محّد يگلك ياهله ويبسطلك الادين

ــــــــــــــــــــــــــــــــــــــ

بالاتلاثين الف مرسال.. ودّولك يبو طاهر 

تالي أمن القصر تنذب.. وحالك يكسر الخاطر

وتنجر بحــوافر خيل.. حافر يسند ابحافر

وماطلعو يدفنونك .. ولا يمّك وصل زاير 

الوادم اتباوع والجثه بالشارع 

ماتت شيمهم للأسف أهل الحميّه وين

ــــــــــــــــــــــــــــــــــــــ

عندك بالضعن لو مر..وردة ابهيئة أبنيّه 

مچتوفه ابحبل واتصيح.. بس ابصوت حنيّه

فك باب الگبر وأگعد .. مسلم ياهوه الريّه

اتغير شكلي من الحر..وامدمايه رجليّه

يمك وگع حيلي والحادي يوميلي 

ايگلي لقد حان السفر اعذرني يالحنين 

محمد الجماسي

محمد الجماسي

جوادُنا ملاذُنا شفيعُنا إمامُنا
ــــــــــــــــــــــــــــــــــــــ
يبن الرضه الباچـي عله الحسين
الليله الضريحك نمشي عالإدين
ياعاشگ الطف واحنه عاشگـين
مثلك على السبايه لاطـــــــمين

جوادُنا ملاذُنا شفيعُنا إمامُنا
ــــــــــــــــــــــــــــــــــــــ
يالبالسطح متحزّم ابجروح
ميّت ابهيئة رايه عالسطوح
الـماينـــوي وي مشّايتك يروح
امراية محبتــــه فاقده الوضوح

جوادُنا ملاذُنا شفيعُنا إمامُنا
ــــــــــــــــــــــــــــــــــــــ
يومك الثالث وانته لاتزال
بس السطح مو ساحه للقتال
أتصور بشر نايم على الرمال
واخته العقيله ابرحمة الحبال

جوادُنا ملاذُنا شفيعُنا إمامُنا
ــــــــــــــــــــــــــــــــــــــ
أم الفضل نفس الشمر تكون
وجهان لأهل الصنـم يرجعون
من سمتك والسم عمه العيون
والهادي حط نعشك عله المتون

جوادُنا ملاذُنا شفيعُنا إمامُنا
ــــــــــــــــــــــــــــــــــــــ
شمس الـمُدن تحمل دفُو ووقار
مو مثل شمس الطف تذب شرار
ذيچ الشمس حتى ضــواهه حار
واتصورت انته العــــاري بالقفار

جــــوادُنا ملاذُنا شفيعُنا إمامُنا
ــــــــــــــــــــــــــــــــــــــ
ما هدّو الخيل وبقت تصول
مو مثل جدك داسته الخيول
هالليله أملاك العزاء تگـــــول
نبكــي على من جنّن العقول

جوادُنا ملاذُنا شفيعُنا إمـامُنا
ــــــــــــــــــــــــــــــــــــــ
بالكاظميه التمت الألوف
واجنازتك مشيوله عالچتوف
وعدكم جنايز ذيجه بالطفوف
دفنوهه بحجار ودمه وسيوف

جوادُنا مـلاذُنا شفيعُنا إمامُنا


محمد الجماسي

محمد الجماسي

سالفتي ماتت والشمع
مذبوح گدّامي   وانباگت أحلامي
         من مات جسّامي
ــــــــــــــــــــــــــــــــــــــ
عله افراگ الحبايب حيل مابيّه           
حزن گلبي مواكب بأربعينيّه
تره الفاگدله شايب يحزن اشويّه           
ما يبقه يعاتب دهره يوميّه

وانه ابني ابعمر الورد
اي ورد بس ضامي   وانباگت أحلامي     
          من مات جسّامي
ــــــــــــــــــــــــــــــــــــــ
تعب ذيج الليالي شالته إجنازه             
وألاُم يالغوالي أتريد الامجازه
الابن حسّبته تالي ايصير عكازه           
طفه الشمع اليلالي وفارگ اعزازه

والسالفه البيهه ذبح
تكرهها أيّامي     وانباگت أحلامي
        من مات جسّامي 
ــــــــــــــــــــــــــــــــــــــ
غشيم البصحاري أيدور الگطره           
چان الـماي جاري ودنيتي خضره
ليش الترس داري ابنوره وابعطره          
تالي بالظهاري اينام عالغبره

خلاني عالون واللطم
ما فِلّن احزامي     وانباگت أحلامي 
من مات جسّامي 
ــــــــــــــــــــــــــــــــــــــ
چان ايحب اديه الصبح والـمغرب          
خلاني سبيه وبالجروح احسب
شسوي يالـمنيه عرس لو موكب        
 خوش الغاضريه تعرف اتعزب

تاخذ الچنت اتنفسه
واتفزّز آلآمي   وانباگت أحلامي 
      من مات جسّامي
ــــــــــــــــــــــــــــــــــــــ
ياموت الاخذته ماخذيت أمه       
عالتربان شفته وسابح ابدمه
صاح ولطم گصته عالولد عمّه      
ياجسام انته امن الحسن ذمّه

ماشوف اجيتك بالدرب
تتعثّــر اجدامي     وانباگت أحلامي 
          من مات جسّامي
ــــــــــــــــــــــــــــــــــــــ
حتى بعين ربعه دمعة الأحـزان           
يم الباب قطعه دگّو الصُحبان
ماتت الف شمعه والشهيد انسان          
وابليلة الجمعه انوزع القربان

ظلمه الديار ابغيبتك
ياشمعة أيّامي     وانباگت أحلامي
          من مات جسّامي

محمد الجماسي

شعر حسيني مكتوب

ظلمه الأولايه وگمرها الضاوي عن اليحبونه يبعد ناوي واليدگ صدره يوفي بالعشره يعباس يعباس ـــــــــــــــــــــــــــــــــــ
 عطر چفك اشمّه ابچفّي ليهسه       ويذكرني بحنانك لوردت انسه گالو مات گلت الـموت ميمسه وشصرف من نظر وانته النظر نفسه اتعلقت بيك وبنيت أمالي غاليه وحبيت واحد غالي والنشم عطره        يوفي بالعشـره يعباس يعباســـــــــــــــــــــــــــــــــــــ أغار من اليجيبك حته بالطاري          يربّاط الحچـي ويابير اسراري صدگ عباس ماتسأل عن إخباري          صدگ امشي ابسبي وماينوخذ ثاري يالچنت تمشي وتغطي اخيالي اربعه وعشرين ساعه ابالي الـمثلك انشكره         يوفي بالعشره يعباس يعباس ــــــــــــــــــــــــــــــــــــــ معقوله ابعذاب اختك صدگ راضي          معقوله تصير انته خبــر ماضي  عفتني والشمر يركض وره اركاضي          طب الخيمتي وظل ينهب اغراضي   گال وينه كافلچ چا وينه هاي بيده رايته وچفينه وبيــرغ الزهره         يوفي بالعشره يعباس يعباس ــــــــــــــــــــــــــــــــــــــ الفاگد كـون رأسن يعمن اعيونه          حسب فقه النحبـهم واليحبونه          اشرايك لو ضعن اختك يسلبونه          وامن السوط نص چتفي يطيحونه لو اشوفنك زراگ امتوني تذبح الشام ابثواب أعيوني الغيرته ابكبره            يوفي بالعشره يعباس يعباس ــــــــــــــــــــــــــــــــــــــ ماميزت صوتي وشكلي تيهته         وانته التعرگ ابفصل البرد گصته أمن الطگ أعله امودك خدي ورمته گالو راح مايرجع بعد لأخته خبر عاجل يالگمر جابولي
ذكرياتچ عالنهر گالولي
 والفـده ابنحره      يوفـي بالعشره
           يعباس يعباس
ــالذبحوك ابغفل لو ذابحين اختك 
أقل مابالامر چا ما امفارگتك
 ياعباس راح اتضيع قافلتك
يالـمخبوطه وي الماي سالفتك
 عالرمح راسك اشوفه ايأدي التحيه للإمام المهدي رايد اينصـره         يوفي بالعشره يعباس يعباس محمد الجماسي

شعر

انده وارد اوجه انداي يم المرتضى حيدر
وحچيله اعله هظم الطف يسمع هالحچي يكدر
ــــــــــــــــــــــــــــــــــــــ
اريد احجي على هظم الطف واريد المرتضى يسمع
وگله عگب عين حسين العسكر عالفواطم دع
ولن بيــن الـزلــم والخيل زينب يــاعلي تطلع

تصيــح وتصفــج الجفين
يهل الله الـطــريــج منين
اريد اوصل لخوي حسين

واخد معصبي بيدي واكله راحت الخدر
ــــــــــــــــــــــــــــــــــــــ
اكله راحت الخدر لخويه وانتظر شيگول
واكله جيتك وخليتك على خيامك الخيل تجول
يكوم انشا الله وياي اخوي انچان مو مچتول

يحيــدر هــاي حــالتها
غريبه وفاجده اخوتها
تعال وشــوف مشيتها

تگوم وتوگع وتنده احظر ياعلي احظر
ــــــــــــــــــــــــــــــــــــــ
احظر ياعــلــي تــنــده ولا هــاشمي اليسمعها
اعله خوها تنشد العدوان زحمه الخـدر يمنعها
تالــي توجهت للتــل وجــمــر الهظــم يـدفعها

مشت زينب على كل حال
ولو ما چــانــت اعله البال
صــاحــت هــاي ما تنشال

كلفه طلعتي كلفه يبويه بين هالعسكر
ــــــــــــــــــــــــــــــــــــــ
مشت زينب تريد التل ولعيون العده بانت
عليها گلوبهم لانت وعليهــا هــاي ماهانت
زينب واجفه اعله التل (هاي ابالمن چـانت)

فــوگ التل تگـع وتــگــوم
وعلى مصرع وليها اتحوم
ول ول يازمــان الــشــوم

هاي ام الخدر والعز بالوديان تتعثر
ــــــــــــــــــــــــــــــــــــــ
يحيدر زينب على التل شدة حيلها او وگفت
الخيمها تلتفت نوبــه ولخــوهــا نوب تتلفت
تصد للخيم تلهب نار وبحسين العــده حفت

تعال وشوف بيها اشصار
تــصــد للخـيــم تلهب نار
تــصــد لعيالهــا طــشــار

وتصد لحسين راح حسين من هاي اشبعد شكثر
ــــــــــــــــــــــــــــــــــــــ
زينب بگت محتــاره لخــوها تــروح شيردها
ولو راحت لخوها تخــاف عن الحرم ينشدها
زينب بين اخوها حسين وعياله الدهر شدها

لاتــكــدر تــصــل لحسيـن
ومتدري الحرم هجت وين
ضـلــت بس تــديــر العين

مذهوله تشوف النار بخيام الحرم تسعر
ــــــــــــــــــــــــــــــــــــــ
زينب صاحت ابحرگه وغدت تعتب على ابن امها
تكله مخدراتــك هاي شــبوا نــار بخيمـها
يخوي اطفالها الهجت يبو السجاد شيلمها

واختك ركد منها الحيل
وتتــلــفــت ابين الخيل
والي اتريد گـبــل الليـل

يلم الخدر ويجمع اطفال التايهه بالبر
ــــــــــــــــــــــــــــــــــــــ
بجت وتصيح وين حسين اخوي انچانك حي گوم
على بختك يبو السجاد يبن امي ولتنه الگوم
ناداها بضعيف الصوت يختي الامر ليج اليوم

اعيالي توزمي بيها
والاطفال احفضيها
يزينب عينچ عليها

يختي ومن عگب عيني عينچ عالحرم تسهر
ــــــــــــــــــــــــــــــــــــــ
ومن چلچل عليها الليــل زينب جمعت العيله
وسكنه اگـعــدت يم رمله وام چلثوم يم ليله
اعله زينب ليلة المرت شكول آشمرت آشليله

تون زينب ومهضومه
گامت گصدت الحومه
صاحت يخوتي نومه

وعدكم حرم سهرانه وعليها العده تفتر


المرحوم الحاج
مُعين السباك

#اللهم_عجل_لوليك_الفرج

#تراث انده وارد اوجه انداي يم المرتضى حيدر وحچيله اعله هظم الطف يسمع هالحچي يكدر ــــــــــــــــــــــــــــــــــــــ اريد احجي على هظم الطف واريد المرتضى يسمع وگله عگب عين حسين العسكر عالفواطم دع ولن بيــن الـزلــم والخيل زينب يــاعلي تطلع تصيــح وتصفــج الجفين يهل الله الـطــريــج منين اريد اوصل لخوي حسين واخد معصبي بيدي واكله راحت الخدر ــــــــــــــــــــــــــــــــــــــ اكله راحت الخدر لخويه وانتظر شيگول واكله جيتك وخليتك على خيامك الخيل تجول يكوم انشا الله وياي اخوي انچان مو مچتول يحيــدر هــاي حــالتها غريبه وفاجده اخوتها تعال وشــوف مشيتها تگوم وتوگع وتنده احظر ياعلي احظر ــــــــــــــــــــــــــــــــــــــ احظر ياعــلــي تــنــده ولا هــاشمي اليسمعها اعله خوها تنشد العدوان زحمه الخـدر يمنعها تالــي توجهت للتــل وجــمــر الهظــم يـدفعها مشت زينب على كل حال ولو ما چــانــت اعله البال صــاحــت هــاي ما تنشال كلفه طلعتي كلفه يبويه بين هالعسكر ــــــــــــــــــــــــــــــــــــــ مشت زينب تريد التل ولعيون العده بانت عليها گلوبهم لانت وعليهــا هــاي ماهانت زينب واجفه اعله التل (هاي ابالمن چـانت) فــوگ التل تگـع وتــگــوم وعلى مصرع وليها اتحوم ول ول يازمــان الــشــوم هاي ام الخدر والعز بالوديان تتعثر ــــــــــــــــــــــــــــــــــــــ يحيدر زينب على التل شدة حيلها او وگفت الخيمها تلتفت نوبــه ولخــوهــا نوب تتلفت تصد للخيم تلهب نار وبحسين العــده حفت تعال وشوف بيها اشصار تــصــد للخـيــم تلهب نار تــصــد لعيالهــا طــشــار وتصد لحسين راح حسين من هاي اشبعد شكثر ــــــــــــــــــــــــــــــــــــــ زينب بگت محتــاره لخــوها تــروح شيردها ولو راحت لخوها تخــاف عن الحرم ينشدها زينب بين اخوها حسين وعياله الدهر شدها لاتــكــدر تــصــل لحسيـن ومتدري الحرم هجت وين ضـلــت بس تــديــر العين مذهوله تشوف النار بخيام الحرم تسعر ــــــــــــــــــــــــــــــــــــــ زينب صاحت ابحرگه وغدت تعتب على ابن امها تكله مخدراتــك هاي شــبوا نــار بخيمـها يخوي اطفالها الهجت يبو السجاد شيلمها واختك ركد منها الحيل وتتــلــفــت ابين الخيل والي اتريد گـبــل الليـل يلم الخدر ويجمع اطفال التايهه بالبر ــــــــــــــــــــــــــــــــــــــ بجت وتصيح وين حسين اخوي انچانك حي گوم على بختك يبو السجاد يبن امي ولتنه الگوم ناداها بضعيف الصوت يختي الامر ليج اليوم اعيالي توزمي بيها والاطفال احفضيها يزينب عينچ عليها يختي ومن عگب عيني عينچ عالحرم تسهر ــــــــــــــــــــــــــــــــــــــ ومن چلچل عليها الليــل زينب جمعت العيله وسكنه اگـعــدت يم رمله وام چلثوم يم ليله اعله زينب ليلة المرت شكول آشمرت آشليله تون زينب ومهضومه گامت گصدت الحومه صاحت يخوتي نومه وعدكم حرم سهرانه وعليها العده تفتر المرحوم الحاج مُعين السباك #اللهم_عجل_لوليك_الفرج

محمد الجنامي تدري بحالتي تدري

الشاعر علي الجنوبي

كال اسراري اضمهن وين كتله اسرارك بسدي بخيت الينشدني عليهن كتله موعدي ماخليتهن طلعن العتبة باب بس جروحي كبرن صارن بكدي خلصت العمر بالفلكه رايح ياي واكل للناس عيشني بحلم وردي ماتعبر علي حاسب السجه امتار أدري بريلهم من يمي متعدي وشني النوك التحن حنت الفوك النوك الجرف رقة جماله وهيبته البردي عمي اكره كمت لعبة الغميضان كمت احسب حساب اللعبه من تبدي كلوله كلاني الشيب وبذمته من كام الخيال ويايوياي عبالي الخيال انته خامسهن صرت واستحي من الحيطان مايتفاركن واتشابكن سكته اليكعد يم ورد يسترخص البستان وانت استرخصت بس الورد دسته اليعشك من صدك يستاحش من اينام اذا مايلكه يمه جفوف شابكته الميت والعدل بالنجف يتلاكون المثلك مايعبر حيدر بذمته الهوه ماينكطع من يكطعون وياي خيب البيه وفه يبين بفاتحته اليعرك من صدك لازم تجلب بيه انه البيك جلب وانت تيهته وحكك ماردت توصل لهيج وياك كل ذاك التعب وياك ضيعته ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، علي الجنوبي

#تراث يـاولـيـدي  خـل الماي لا تطلب الماي كـل خـوفـي مني تروح وتگطع حشاي دهـري  ذبـني  عبدالله ياشمعة ضوه عيوني ــــــــــــــــــــــــــــــــــــــ هاك  إخذ  ماي العين ....... يابني وسلوتي خـل  أفـرح بدنياي....... وإنت فرحتي خـل  أبتسم وارتاح ....... واشتم وردتي ردتـك لـيوم الشيب........ وتلم كبرتي دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ بـالگلـب صار رباك....... يامدلل أمك گلبي المهد وحشاي.......بيه چنت أضمك كـل  غـالي ماغليك....... وحملت همك من  بعد  تعبي شلون...... للموت اسلمك دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ صـدگ  يا بعد الروح ..... ما نمت ليلي ولـو يـمـر بيك الريح ..... يحزن دليلي ومـن تـربـي تربي وياك.... همتي وحيلي يـا شـمـعـة الإيـمـان.... يالتضويلي دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ گلـبـي الـذي ربـاك.... شنيّمه الليل يـاولـيـدي خليه وياك... يتهادى ويميل لـو  ردت مـنـي تروح.... يتهدم الحيل ودم نـحـرك المصيوب.... من عيني يسيل دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ مـرت  عـلـيّ  سـاعات.... وتحملتها چانـت تـمـر چالـطيف.... وموالفتها بـسـوگ الدلال الروح .... لجلك بعتها يـاوليدي  لأجل رباك.... روحي حرگتها دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ مـحـتـاره بين أثنين.... ودموعي تنصب ومـن گلـبك المعطوب .... گلبي تعطب مـا اگدر لـفـرگاك... فرگاك اليصعب فـراگك يـخـلد نار..... بالگلب تلهب دهـري  ذبـني عبدالله يا شمعة ضوه عيوني ــــــــــــــــــــــــــــــــــــــ گلـبـي انـرمى بسهمين.... وتقاسمه الهم سـهـمك وسهم حسين.... لاچنه أعظم بـالـتـضـحـيه للدين.... تعلم وأعلم مـن عـالـم الـتكوين.... أمري وتحتم دهـري  ذبـني عبدالله يا شمعة ضوه عيوني الشاعر عزيز الگلگاوي #اللهم_عجل_لوليك_الفرج

قصائد محرم مكتوبه

#قصيدة_لاستقبال_محرم_الحرام مُحرّم گرّب وشيسكّت عيوني ؟ بيا دار العزه هالليله دلّوني •••••••• بيا دار العزه .. وبيا حُسينيّه ؟ اشتاگيت لمُحرّم ولبواچيّه افتر المجالس .. بيّه ما بيّه واظل ابچي لحد ما تذبل جفوني •••••••• حبيبي اعله الترب نايم اشوفنّه اشفافه اليابسه .. تتفطّر بونّه مو ثوبي عليه .. صدري اشگنّه الما عدهم وفه حگهم يلوموني •••••••• ميت .. بس تصد عينه اعله عايلته الخيل اطشّره وزينب تلم جثته اهدومه مشگگه والعَبره خانگته لو حتى برمل يا ناس غطّوني ؟ •••••••• يا عالم .. اشم ريحة حرگ خيمه واتخايل حرم تتراكض بهيمه اذا اشاهد طفل أتذكّر ايتيمه (رماد اخيام) لليسألني عن لوني •••••••• چن موكب يطب من شارع القِبله بيه (حمزه) .. وشعار العاشگ ايرتله يا عاشور .. شهرك ما شهر مثله يلّه اعله الصدر باللطمه عينوني •••••••• من زغري واذوب امن اسمع اقرايه ويرف گلبي لمُحرّم رفة الراية اضم عيديتي واخدم بيهه مشايه وملك اشعر اذا (خادم) يسمّوني •••••••• ✍️الشاعر احمد هادي الشمري✍️

قصائد محرم /كتابه

محرم 1441هج يمفطوم بالسهام يمدلول اريدن اناغيك دلول يالزغير .. بس افراگك يغثني يالزغير .. گلبي اعليك يوجعني _____ فحطني سهم نحرك .. ليش الدم ترس صدرك زغير وركبتك ترفة ... النبلة اشمالها اتعورك عفت العافية بلونك .. ليش محومرة اعيونك بمتنك چان كاروكك .. هسه الدم عله امتونك بيمن اناغي يا عبد مهدك فرغ من جاستك ايد السهم نحرك نشغ وگماطك بلون الگطن دم انصبغ يگلبي الولد مات بالسهام وتبدت ضحكتة اعله الخيام يالزغير .. سهمك شيب شيبني يالزغير .. گلبي اعليك يوجعني __________ يبزري ويا حچي الجنة .. توها اسنونك امبينة عمرك توه ست اشهر .. منك كلشي ما شفنة الدمع برواحنة امشچل .. يالمعتبر يالمدلل يالمبلل نده و غبشة .. هظمة بدمك امبلل لون البياض بگصتك درّة نجف يمنشف رياج العطش ريجك نشف وجهك هذاك الهاشمي چنة اختلف عبد ليش جمالك تخرّب وگماطك صعب گوة ينظب يالزغير .. بصورّك عيني تهطرني يالزغير .. گلبي اعليك يوجعني _______ انچفن بالگاع كشخاتك .. السهم خانگها نسماتك المنية امفرفحة بريجك .. امچلبة بمگفة ضحكاتك ابوك ايدة بكتر خصرة ... وگامت توجعة الحسرة من شالاك صرتوا اثنين .. چنكم محبس وشذرة من شگ لهاتك فرفحت ذاك السهم دمك نزف والدم وصل يم الخيم وازاني بجفاك البچي وظهري انثلم ربابك يعبد الله ميتة النحر ذاك يبس دم رگبتة يالزْغير .. اليلچمنك يلچمني يالزْغير .. گلبي اعليك يوجعني ______ يالنادر يمتباهي .. عمت عين السهم فاهي اجاك وانت تضحكلة .. واشوفك حيل متراهي اجاك امفرفح ويذبح .. وگمت من الخيم ألمح لفاك وصيّحت عوفه .. زغير وليدي ما يصلح تلمع رگبتك ذهب لو گابل الشمس حار السهم وانت گمت بالحر تحس بكاروكك امدلل چنت تلعب امس عبد ليش يحرموني منك كمت انشد الخيمة عنك يالزغير .. ضعت بس انت تندلني يالزغير .. گلبي اعليك يوجعني ________ ذبحك صار بالگوة .. وبيد حسين تتلوة من احرورة الذبحة .. طلعت رجلك الحلوة جابوك وزهگ دربي .. وعيني التفتت لربي گبل لا يحفر حسينك .. گلتلة ايدفنك ابگلبي يايمة والله امن الدمع رمشي فحط بالحومة دمك يا عبد سواله شط چهبّني جنحين الحزن وبعيني حط يتالي التعب حمّل وراح صفة حيلي لسنون الرماح يالزْغير .. افراگك والله دولبني يالزْغير .. گلبي اعليك يوجعني ___________ علي هادي الخزعلي

قصائد محرم مكتوبه

عن الاصل ما تنشغل الهم خدم كل الرسل وتنادي يا اهل البيت ... هالطاعه ما ننساها ١ــــــــــــــــــــــــــــــــــــــ بعضانا هالخدمه سرت وادمها واتعلت ابين البشر وادمها حواء تخدم فاطمه وادمها ضل يعتلي بخدمة علي قدره اعتله بحب الولي وضل ادم لحد الموت ... بخدمة علي يتباها ٢ــــــــــــــــــــــــــــــــــــــ جبريل بالطف للرسل من نوحه اسماعيل شيب من وكت من نوحه اسحاق استلم ثوب الخدم من نوحه وموسى استلم ثوب الخدم وبعصته خلاه علم وتعلم وياه هارون ... عن خدمته ومعناها ٣ــــــــــــــــــــــــــــــــــــــ العاف الخدامه امن الجهل يوسفها باجر الوادم هالامر يؤسفها صار العزيز بخدمته يوسفها وكل العمر ضل يفتخر لمن خدم نال الاجر والحنطه بثواب حسين ... وزعها من انطاها ٤ــــــــــــــــــــــــــــــــــــــ بالخدمه ايوب النفس يونسها وينادي عنها مو عذر يونسها بالحوت ضل يرثي الخيم يونسها لطف العجب هود الكتب لوط النعه ادريس انتحب وهاجر تكل لبراهيم ... هالخدمة يا محلاها ٥ــــــــــــــــــــــــــــــــــــــ يم طه كوثر والخلك مريمها وكوثر تصبح لو علي مر يمها نصبت عزه بكتر الجذع مريمها وصاحت بعد حيدر مدد يا فاطمه وعيسى انولد وخدمتها لمها الزهراء ... وكفت هناك اوياها ٦ــــــــــــــــــــــــــــــــــــــ سليمان يهتف هالعمل بيه صالح امتنه وإشكال البشر بيه صالح كل مجلس لطف كربله بيه صالح بدمعه يهل يابا الفضل وبناقته يشوف الهزل امة ثمود اعله حسين ... تشبع بجي خلاها ٧ــــــــــــــــــــــــــــــــــــــ عمرين لو عنده انتحب عمرانه من ونته داوود انهدم عمرانه موكب زكريا بكتر عمرانه ليحيى انتظر والهم كبر حط حاجته يم الكمر ناذر نذر للعباس ... من ينولد يحيايها ٨ــــــــــــــــــــــــــــــــــــــ شيث النكر من للمجالس عاده يعكوب صاحب حركه يشهد عاده مجلس شعيب بكل محرم عاده حسينك شفه بهالعاطفه هاي الرسل بيه عارفه عظمها خلاق الكون ... جي وكفت المولاها ميثاق الحمداني

قصائد كتابه

فحطني البچـي خويه - - راح انزفلك اعتاب عطشت زينب اتشوفك - - مامش بالكبر باب ـــــــــــــــــــــــــــــــــــــــــــ اتلكه زينب هل اجت مو طبعك ابملكه تنام وسويلي بضلوعك حضن وكلي الجره كله احلام وادخل ابروحي وطفي الي كل جمره شاعلهه الشام واقنعني البعينك ورد ما صابتك خويه اسهام بلكــت تنفطم عيني . . چفني امن الدمع باد صارت حفر بخـدودي . . بيــهــن رايــح اوراد ـــــــــــــــــــــــــــــــــــــــــــ عافيتي راحت من رحت ياعافيت عافيتي وراحت الهيبه ابروحتك وبيتي انهدم يابيتي واركض انه ابين الزلم واعثر ابطرف اعبيتي ولساني خشبه من العطش ودخان تارس ريتي صارت بالنفس خنگه . . اواهس ريتي متعوب معلم عطــرك بثـوبي . . مو دخــانه بالـــثوب ـــــــــــــــــــــــــــــــــــــــــــ جنح الفراشه عرش الي شو صعدوني اعله النوگ مالي اثر بس بالسمـه صعبه علي طبت السـوگ انه اسمي مالت قـرأن شو صار سالفة حـلوگ ليمسح اثرهه بن علي تمشي وجدمهه محروگ الطــف يلتم ابروحي . . لو جدمي بجمر داس الماسير ضـوه اعليهه . . انوكلـت ابعين الناس ـــــــــــــــــــــــــــــــــــــــــــ حاجيني يالحچيك نده وجروحي ورده وتشفه يالجــودك امروي الغيم تعطش اطفــال كلفه الچانت تنومه ضحكتك هسه ابخـــرابه يغفه معتازتك خيمه وستر يالــــربي چفــي بچفه مصقط راسـك ابروحي . . وحته ابحلمي وياي شحجيلك يعشگ الماي . . دولــب زينب الماي ـــــــــــــــــــــــــــــــــــــــــــ عباس اموت بكل شبر من الشمر يمي ايصير ماتنركب خويه الهزل كالساعه طايحلي ازغير التفگـد زلـم تسـوه الزلـم يـراد حيلهه اچبير مـو گتلي مايطلع ابـد طــولچ يخويه بنص ابير بعــز الزلم طلـعــوني . . وكلهه اتصيح اي هاي وخاطر ينحفظ طولي . . ايمشونه اشواي اشواي ـــــــــــــــــــــــــــــــــــــــــــ من متني اخذ لون السمه وكعبت سطر صار الخد ونسوان دولبهه النذل بس يغفن بسوطه يهد من تجبل اعلينه العده ماعدنه اخو يوگف سد ما الهه حل بس جيتك بداعت سوالفنه اگعد بيني وبينك اجفـوفك . . ماظل حيل اگول اخ خلص كل عزم صبري . . وعليه العبد شاخ امير الساعدي

قصائد لطم /،ملاجليل ،يالمسافر مكانك وين للشاعر احمدالذهبي

يالمسافر مكانك وين. العمر ساعه وبجيت سنين بعدك يأذيني. واسأل دمع عيني مكانك. وين .................. .............. ......... ......... انه يابويه رقيه ....اشتاكيت الك ..وارد اسألك ترجعلي يمته.... بويه موكالوا تجيني...وانه بأمل .....بالي انشغل ليلي سعرته.. سافرت وبعيني طولك ...نايم جرح....مابيه صبح يذبحني شفته.... غمضت لحظه ولكيتك..جاي بحلم .....ماينفهم لكن فهمته.. على عيوني اجيت بطيف. وتلكيتك هلا بهالضيف وينك يناسيني.. ...واسأل دمع عيني مكانك وين ............ ......... ........ ......... ....... اكتب اعتابي بدمعتي ...دمع الهجر...ضل مستمر حافر وجنتي. .. ليلي ماتمشي الثواني...وانه انتظر ....فوك الجمر واذرف دمعتي.. بويه من تطلع حسرتي ...نار وهوه ...يطلعن سوه يطفن شمعتي ... اشتعل واطفي اعلى شوكك...يالمبتعد..لوماترد اكضي بغربتي.... على فراكك غريبه الروح. شسولفلك كلامي جروح وجروحي تاذيني. واسأل دمع عيني مكانك وين ........... ......... ......... ......... بويه يأذيني حبلهم. فوك الحبل. ماينحمل يابويه هظمي. .. صرت اناديك بعذابي. وينك صحت. بويه وردت يسمعني عمي ... تعثر الناكه وانادي. حتى الشمر. هم يعتذر لوانت يمي.. مدري صار شطوله دربي. و جرح الاذن. . ومن المتن يتجاره دمي... يضربوني وانه زغيره. اضل امشي بدرب حيره ياحيرة سنيني. واسأل دمع عيني مكانك وين .......... ........... ......... ......... ..... التفت واتمنى اشوفك. والكه الدرب. نار وحرب يسعر لضاها.... واحترك وحدي بغيابك. شمعة صبر. حر الجمر بعدك جواها.. روحي ضيعها حزنها. بحر الضمه. وسيل الدمه حزنك رماها... بينك وبين المنايه. روحي مشت. نار وطفت محد لكاها.... صحت وينك اخذني وياك. غبت عني وبعدني ارجاك موكتلي تانيني. واسأل دمع عيني مكانك وين. ........ ...... ......... ...... ..... ....... ما اضن باجر تجيني. ما اعتقد. طولك يرد واغفه بحنانك. واسمع حجاية يبويه. لاما اضن. بيها بحزن ينطق لسانك... اعتقد واضح غيابك. كلبي علم. حس بألم خالي مكانك... وادري بالناس الشماته. من فكرت. من قررت لازم تغدرك... الكلب يعلم بعيدتصير. واريد اعرف شنو التدبير لودهري يرميني. واسأل دمع عيني مكانك وين ......... ............. ......... ......... ......... كلت اريدنك واجوني. لمن صحت. جابوا طشت راووني نحرك ... وانه ضليت بذهولي. حيرة امر. ناه الفكر مدري شخبرك... ونحنيت انه اعلى راسك. حنية غصن. شايل حزن مات اعلى صدرك.. لازم انه وياك اسافر. واتعذبت. حد مامتت يابويه اخبرك... بعد ماكو صبر اكثر. واموت انه على المنحر والشفته يكفيني. واسأل دمع عيني مكانك وين ........................................،،،،،،،،،،،،،،،،،،،،،،،،،،،،،،،،،،،،، الشاعر :احمد الذهبي تدوين:مصطفى الجمالي/b>

سند حملي المطروح. يسر دمعي المفضوح
تحن يامهدي الروح. سيدي....سيدي......
................................................................
وسط كلبي اشحلاتك...بشر ها كد غلاتك
كمت حتى من انام اشعر تغطيني بعباتك
يعشگي من البدايه ....عشكتك عالروايه
اكيد من ابتدي عشكك اعيش اجمل نهايه

شفت وياك الخير .....جنح شد حيل الطير
الكلب مال لغير ......سيدي....سيدي....
................................................................
تره اخلافك يغالي.....اخبرك شنهو حالي
مثل نجمه اشتعت ظلمه وتزاعلها الليالي
يصاحب ذكرياتي.....خذت منك حياتي
اذا ما ابجي وادعيلك احس خله بصلاتي

ادورك بين الناس ......واعرفك عندي احساس
لأن تشبه عباس ........سيدي ....سيدي....
.................................................................
يريت اندل مكانك........غبت بس ضل حنانك
الحمد لله العمر يمك واعيش انه بزمانك
يصبح الله ونهاره ........اكيد بكل زياره
اشوف بكربلا انوارك تشع مثل المناره

انه انشد عنك وين......ولكن عميه العين
ضوه انت اليم حسين ....سيدي...سيدي
..................................................................
انه معذب دليلك..........اجرحك واشتكيلك
يمولاي شكبر كلبك يبوصالح دخيلك
يهنيالي وهويتك.......بخيت انه ولكيتك
يصاحب كلبي وبكلبي وكياني وروحي بيتك

تره الحبك مبخوت .......عدل يبقه من يموت
دواي انت المنعوت .....سيدي.....سيدي
........................................................ . ...
للشاعر :ايوب الشغانبي
تدوين:مصطفى الجمالي

صور مميزه

قصيدة دنيا /مكتوبه/باسم الكربلائي

دنيـه ما بـيها بس هـم غـدر دنـيه ومنـيـن اجيـبــلـها الصبر دنـيه راوتـــني نجمـــات الظــــهر دنـيه ******** لـيلـة وداعـك ثـوانـي بـسرعـة مـرت جـانـت أسرع من دمـعـتي لـحظـة فـراكَـك مـسـافـة بـلا نـهـايـة هـواي أطـول مـن دمـعـتـي والـعـمر بـالـفـركَـة يـطـول يـمـته يـخلـص حـتـه أخـلـص من غـربـتـي دهـري راونـي أنـواع الألـم دهـري كـل لـحظة يـرمـيـني بسـهـم دهـري واعـرف نـهـايـة هـالـعـمر دنـيـه ********* يـبنـي كـل الـراح يـرجـع تـدري يوسف رد قمـيصه للبشـارة وآنـه كلـكـم ضـيعـتكـم مـرة وحــدة مـا اجـيتـوا يـالغَــيارة يـبنـي ويـن الــكَه قميـصـك حـــته اشمـه بلـكـي كَــلبـي تطفـه نـاره وينـك يتــارك بكَـلبـي رمح وينـك لـو انسـه يسـئلنـي الجــرح وينـك خلتنـي للـمـوت انتـظر دنـيه ********** تـدري أول كلمة اكَلـك من اشوفـك يـا حبـيبي أحلـى كلـمة تـدري آخـر حـلـم عـمري المـا تحقـق ويـنه نـحرك اردَ اشـمه تـدري اجمـل كلـمة عـندي شـنهـي يبـنـي من صحتـلـي ها يــيـمـه يـمـه معـقولة ما تـرجـع بـعد يـمه يـمـه أم البـنيـن بـلا وِلـد يـمه ذابـحنـي يـا سيـف الهـجر دنـيه ********* يشـهد الله مـا نسيـتك لحظـة وَحـدة وانته دومـك اعلـه بالـي من كثـر مـا بـسمـك الـهج صـرت اشـكـن وانـته يـمـي مـو خـيالـي أنجـوي بنـارك ونـادي اكَـرب اكَـرب يالـعفتـنـي هـذا حـالـي يـبـنـي أطّـشر اجـروح وصـحـت يـبـنـي أبـجـي وعـلـى وجـهي طحـت يـبـنـي بـعـدك ولا واحــد يـمـر دنـيه *************** تـاكـل بـروحـي الليـالـي واشتكـيلـك يـمـه ارجـع ويـنـك انـتـه وارسـم اهـمـوم بـطـريـقك مـرة اكـتب بـس تعـالـوا مـره يـمتـه يـا لـطريـقك بــيـه يشـعر مـن أسـئلـه مـا يـجـاوب يـبجـي سـكـته أرجـع يـا لمـاخـذ ويـاك الشـمس أرجـع يـا بـاجـر وحـلـم الأمـس أرجـع مـجـبورة أقـبل أي عـذر دنـيه *************** آنـه أدري مـا تـردلـي بـس احـاول مـا اصـدك فـاركَـتـنـي تـالـي بـن حـذلـم اجـانـي وكَـتلـه جـاوب أبـنـي ويـنـه عـذبـتـنـي ضـل يعـددلـي إبـنـينـي وفـكـري يـَمـك انـتـه وحـدك حـيـرتـنـي نـوحـي أبـنج صـريـع بـكـربـلـة نـوحـي مـسـبـيـة كـل الـعـايـلـة نـوحـي والـشـدة زيـنـب بالـيـسـر دنـيـه **************** أنـتظـر زيـنـب تـعاود وأمـشي لـيـهـا لازم اسـئل عـن اخـوهـا عـن كَـمر هـاشـم سـؤالـي والـكـفلـهـا يـبـقى سـاكـت من سبـوهـا أبـنـي بـس غـيـرة وحـمـية وشـيصـبره يـمـه زيـنـب سلـبوهـا أخـتك كَـتلك أمـانـة بـركَبتـك أخـتك كَـلـبـي يـكَلـي عـذرتـك أخـتك عـد زيـنـب عـتاب شـكـثـر دنـيـه

قصائد حسينيه مكتوبه

محرم ١٤٤١ العظيمة أم البنين (عليها السلام) سـويـتـلـك جــود اليـســــر النـاظــر بـي يـنـثـلـم وجـه الـنـهـر بالعـاشــر تـوكـل على اللـه تـوكـل ذِل العـطــش يـمــعــدَّل شـمـا جـود الـك أتـخــيـرَّه....بمـتـنـك أشـوفـه شـمـزغـرَّه غـيـر انـت عـبــاس ولا واحـد ايـلـوﮔ اقـنعـت....وبـﭽـفـي الك جـود اصنعـت ســويــتـه مـقــيـاس طـالـع علـيك شـﮔـد حلـو....خـلـيـتـه ﭽـن طـبــع الـدلـــو شـمـا نِـزل تـــراس ينـزلَّـك اهـوه اعله النهـر....وانـت اعـله طـولك يالـﮔمـر مـــتـدنــﮔ الــــراس وهـوَ النـهـر مـو مــال نـزلــة كـافـل ولـزيـنــب اتـدنـﮔــلــه إي تـسـتــاهـل كـلـشـي لأجـلـهـا اتحمـل ذِل العــطــش يـمــعــدَّل ــــــــــــــــــــــــــــــــــ1ـــــــــــــــــــــــــــــــــ كـمـلـته جــودك وافـرحـت....وﮔـبـلـك يـبـو فـاضـل رحـت زورتـه الحـسـيــن واحـﭽـيـلـك ابكـل الـﮔـلــت....لأجــلــه يـيـمــه اتــوســلــت تـوﮔـعـلـك أيــديـن ﮔـالـلـهــا هـذا اشـمـسـهـلـه....وابـشـــاره الـــﭻ يـمــعَــدَّلـــه انطيـه بعـد عيـن ﮔــالـتـلـه بـرَّدت الـﮔـلـــب...ومــو يـاهـو ﭽــﺎن ويـنـطـلـب مثلك يصح ويـن كـلـمـه انـت عـنـدك مـن ﮔـبل ﮔـايـلهـا الحــط طِـلـبِـتـه ابـابـك يــرد شــايـلهـا للمـالـه حـل انـت الحــل ذِل العــطــش يـمــعــدَّل ــــــــــــــــــــــــــــــــــ2ـــــــــــــــــــــــــــــــــ لزيـنـب اخـذتـه ومـن نِـظــر....زيـنـب اشـو اكـثــر كــبــر ويـنـﮔـط صــبـح مـــاي ثـاريَّــه مـو بـس لـلـعـطـــش....غيـمه وعلى البيـت انـفرش ولاختـك نـطـه افـيــاي وثـاريـه جـــودك بـي طـبـــع....مـن مـايـه ابـد مـا ينشـبــع مـــثـــلــــك يـــــرواي وشـديــت بــي مـنـهـا عـــلـﮔ....وشَـم الـعـلـﮔ حـدما شـهــﮔ وﮔــالـلــهــــا وفـــــاي المِـــن عـنـده يشـرب مـاي يـوم السـابــع مـن الســـابــع ولـلـعـاشـر أيـظـل شـابــع والطـف يتـركـه امـبـلـل ذِل العــطــش يـمــعــدَّل ــــــــــــــــــــــــــــــــــ3ـــــــــــــــــــــــــــــــــ عـلـﮔـتـه يـم بـابــي ابـقـصـد....حـتى اكـثـر ايظـل مسـتـعــد شـمــا نظــر بسـمــار وكـل ساعـه ﮔـلبـي أيـكلـمـه....هـنا ﮔـلـه طـاحـت فـاطـمــه وانـتـفَــــض لـلـثــــار ﮔـتـلـه انـت ثــارك يخـتلـف....بالـطــف اريـــدنـــك كـلــف واخـذه مـن الانـهــار ضـلع أم حـسن يرويه أمـل....لـلخـيــم مــايــك لــو وصــل وايـروَّي الازغـــــار وزيـنــب اذا مـن مـايــك اتـرويــهــا طيـحـة المحـسـن يعني هم تشـفـيـهـا حظـك اشـكبـره اتـخـيـل ذِل العــطــش يـمــعــدَّل ــــــــــــــــــــــــــــــــــ4ـــــــــــــــــــــــــــــــــ امـﮔـابلته واحـﭽيله قصـص.... ﮔـتلـه اهـيه دنيـانـه فـرص والفـرصـه الاطـفــوف المـا مـات بالطـف مـنـهـزم....والمـات تـاج اعـلـه الـزلـــم قــانـونــه مـعـــــروف وﮔـتله انـت لو جالـك سهـم....أوﮔــف إلــه وﮔـفــــة عـلــم وخـل ينتـرس خـــوف بـراعـيــك بــذاك الــوكــت....لا تـنــتـﭽـــﻲ ولا تـلـتــفــت مــا يـمـلــك ﭽـفــــوف وزع الســهــــام ابـيـنــك ومـا بـيــنـه بلكي الله يـﮔـضـن ﮔـبل وكت حسيـنـه من ينجـرح راح ازعــل ذِل العــطــش يـمــعــدَّل ــــــــــــــــــــــــــــــــــ5ـــــــــــــــــــــــــــــــــ لـو طحتـو فـوﮔ المـشـرعـه....عـوفــو الألـم واقـرو دعــه لـزيـنــب والايـتـــام وسـهـامـكـم لا تـنـســحـــب....خـافــن بـعــد بـيـهــن ذنـب وايـﮔـصـدن اخـيــام ويـا حـالـكـم مــا يـنـحـمــل....لـو صَـعــدَّو زيـنـب هـــزل والمـﮔصـــد الشــــام الما عايش الطف ما عرف....وقـاصـر يظل شـما وصـف دورات الايـــــــــــام وهـاي اهـيـه دنـيا ومـا تحـب الصـافــي اتـزوده بحـزن كـلـمـا ســأل مـو كـافــي بـس بـيـهــا مـا نـتـوسـل ذِل العــطــش يـمــعــدَّل ــــــــــــــــــــــــــــــــــ6ــــــــــــــــــــــــــــ ــــاحمد العبادي 

قصيدة تانيتك /اشعار حزينه مكتوبه

تانيتك وردتك ترد حيلي الي
مايغفه ليله المنه حيله انسلب
شيبي شيب وانه حاير واهم
بيش اعزب للكبر لو چهب
خلگي بغيابك بي ملامح گبر
متروك وبكلبه رسايل عتب
اصرخ بوجه اليضحك واشتعل
بي جرح المعيدي الحلاله انهب
صح بشر ادريك بس تختلف
بديرة السنبل غريب الذهب
متربع براسي وخذيت العقل
والاجه وشافك براسي انسحب
انت الاصل والباقي كلهم لفو
يالسيد بديرة المامش نسب
صرت اعشك الاذان واتنه الفرض
وابطي بصلاتي وحيل اتعب الركب
خاطر ابجيلك لحد ما امل
حجة خشوع ادموعي تنزل لهب
وذيج المعاني الجانت اعلى الوجه
راحت وتلكه بدالهن بس تعب
محالل وموهب يالخذت ضحكتي
الشاف لمعة سني بعدك جذب
لاجرحي هاد ولارحم خنجره
فراكك شمر وكباله صرت الركب
جودرت يمك عافيه ونص عمر
وبالنص الاخر خوش هجرك لعب
شكاله موتي وهي شمرة نفس
لاجلة كبور ولاهي شحة خشب